“Хузур” нәшрият йорты имам Бохариның “Әдәп әл-муфрад” дип аталган хәдисләр җыентыгын нәшер итте. Әлеге репринт басма мәдрәсәләр, дини гыйлем алучылар өчен чыгарылды.
Әлеге дини басма әл-Бохариның иң танылган китапларыннан берсе. Китапка төрле темаларга багышланган, аерым алганда гаилә мәсьәләләрен, сәүдә эшләрен, әдәп-әхлак, өлкәннәр белән аралашу, дөрес сөйләү, балаларны тәрбияләү кебек темаларны ачып биргән хәдисләр тупланган.
