Югары Осланда Мәүлид бәйрәме булды

Бу ялларда Югары Ослан җәмигъ мәчетендә Мәүлидкә багышлап оештырылган бәйрәм булып үтте. Чарага җыелган халыкны Югары Ослан районы имам-мөхтәсиб Гали хазрәт Җиһаншин Татарстан мөселманнары Диния нәзарәте һәм үзе исеменнән бик тә кадерле булган бәйрәм белән котлады. Кичә Коръән аятьләрен,  догалар уку,  салаватлар әйтү, күркәм вәгәзьләр,  җәмәгать намазы белән үрелеп барды һәм кичке аш белән тәмамланды.