Яр Чаллы шәһәре “Ак мәчет” мәдрәсәсендә “Хан өстәле” дип аталган бәйге-тамаша үткәрделәр. Анда алты мәдрәсә шәкерте аш-су осталыгында көч сынашты. Бәйгедә катнашучылар жюри хозурына үзләре пешергән аш, икенче ризык, салат, торт тәкъдим иттеләр. Катнашучылар ризык әзерләгән арада тамашачылар белән уеннар оештырылды: токмач санау, бәрәңге әрчү, иң оригиналь пылау, салат, чәй ясау серләре буенча. Бәйгенең җиңүчесе итеп “Ак мәчет” мәдрәсәсенең икенче курс шәкерте Салихов Дилшат сайланды.
