Мамадыш мәдрәсәсендә Мөхәммәд Пәйгамбәргә (с.г.в.) багышланган кичә үткәрелде. Кичәне оештыруда шәһәребезнең “Ак калфак” оешмасы да катнашты. Әлеге чарада мәдрәсәнең кичке бүлегендә белем алучы шәкертләр, мәдрәсәне тәмамлаган апалар, абыстайлар, хәзрәтләр, җирлектә яшәүче мөселманнар катнашты.
Кичәне мәдрәсә директоры Габдрахман хәзрәт Коръән укып ачып җибәрде. Сәламләү сүзе район имам-мөхтәсибе Илһам хәзрәт Миннегалиевка бирелде. Кичә барышында районның имамнары, абыстайлары, мәдрәсә мөгаллимнәре Пәйгамбәребезгә багышланган вәгазьләр сөйләделәр, викторинада катнаштылар. Чара чәй табыны артында тәмамланды.
