"Зәкят" хәйрия фонды балалар хосписында дәваланучыларга бәйрәм бүләк итте

Кичә «Зәкят» хәйрия фонды балалар хосписында бәйрәм оештырды. ТР МДНнең дәгьват бүлеге хезмәткәре Тимергали хәзрәт Юлдашев сабыйларга һәм аларның ата-аналарына ислам кыйммәтләренә багышланган вәгазь сөйләде, чараның иганәчесе “Росгосстрах” оешмасы вәкилләре шулай ук балалар белән җылы әңгәмә үткәрделәр. Соңыннан биредә дәваланучы балаларны төрле тәм-томнар белән сыйладылар, бүләкләр тапшырдылар.