Кайбыч мөхтәсибәте шамаилләр бәйгесе игълан итте

Мәүлид ае уңаеннан Кайбыч мөхтәсибәте “Мөхәммәд салләлаһү гәләйһи вә сәлләм” дип язылган шамаиллләр бәйгесе игълан итә. Бәйгедә теләге булган һәр кеше катнаша ала. Шамаилләрне рәсем кебек, чигеп, мозайка формасында башкарырга мөмкин.Шамаилләр гәрәп язуы белән кулдан ясалып рамка өченә куелырга, арткы ягына иҗади эшне башкаручының исем һәм фамилиясе дә бөркетелергә тиеш. Эшләр 2016 елның 14 гыйнварына хәтле Олы Кайбыч мәчетендә кабул ителәчәк. Җиңүчеләргә кыйммәтле бүләкләр каралган.