Буа мәдрәсәсе 2 ай дәвамында парә-парә укыган Коръән тәмам булу уңаеннан Коръән хәтеме һәм район мөслимәләре өчен Мәүлид бәйрәме үткәрде. Чарада “Мөслимә” газетасы редакторы, җәмәгать эшлеклесе Әлмира ханым Идиатуллина, мөгаллимә Роза абыстай, Фәнис хәзрәт һәм яшь шагыйрә Лилия Салахетдинова катнаштылар. Бәйрәмдә Буа районы мөхтәсибе Илмир хәзрәт Хасанов, мәдрәсә директоры Рәшид Маликов Пәйгамбәребез Мөхәммәд салләлаһү гәләйһи вә сәлләм хакында вәгазьләр сөйләделәр, мөнәҗәтләр әйттеләр. Чара мул табын артында кунакларның вәгазь-нәсыйхәтләре, догалары белән тәмамланды.
