10 декабрьдә Бөгелмә мөхтәсибәтендә мөселман лагеренең ябылу тантанасы булды. Смена барышында балалар ислам нигезләре буенча белемнәрен арттырды, спорт уеннары белән шөгыльләнде. Мәүлид ае уңаеннан балалар арасында рәсем конкурсын да игълан иткәннәр иде. Нәтиҗәдә Альфред Васиковның иҗади эше җиңүче итеп табылды. Баулы мөхтәсибе Әнвәр хәзрәт Хәмитов аңа махсус бүләк тапшырды.
