РИИ җитәкчелеге читтән торып укучы шәкертләр белән очрашты

Россия ислам институты җитәкчелеге 1 курста читтән торып укучы шәкертләр белән очрашты. Очрашуда РИИ ректоры Рәфыйк Мөхәммәтшин, теология факультеты деканы Габдулла Шәңгәрәев, уку-укыту бүлеге мөдире Нәзирә Гиззатуллина һәм институт мөгаллимнәре катнашты. Шәкертләргә ошбу уку йортындагы тәртипләрне аңлаттылар, уку-укыту эшчәнлегенең үзенчәлеге турында сөйләделәр һәм борчыган сорауларына җавап бирделәр.