Буа имамнары җыелышы

28 гыйнварда  Буа мөхтәсибәтендә шәһәр һәм авыл имамнарының беренче җыелышы булды. Имам-мөхтәсиб Илмир хәзрәт Хәсәнов имамнарга  авылларда вәгазь кичәләре һәм якшәмбе укулары оештырылачагын хәбәр итте, мөфти Камил хәзрәтнең  кайбер боерыклары белән таныштырды һәм башка эшлекле мәсьәләләрдә тукталды. Һәр мәхәллә имамына мөхтәсибәт исеменнән чалмалар һәм намаз вакытлары таратылды. Якын арада Буа мөхтәсибәтендә имамнарның белемнәрен күтәрү курыслары һәм дин әһелләре арасында бәйге оештырылачак.