2013 елдан 1 февраль Халыкара хиҗап көне буларак билгеләп үтелә. Гадәттә, бу көнне дөньяның төрле почмакларында акцияләр үткәрелә. Бөгелмә мөхтәсибәтенең “Нурия” мөслимәләр клубы активистлары да әлеге датаны читтә калдырмады. Мөслимәләр сәүдә үзәгендә гүзәл затларга яулыклар таратты, ә теләге булганнарга аны заманча бәйләү ысулларын күрсәтеп, мастер-класс оештырды.
“Нурия” клубы җитәкчесе Ләйсән Гарифуллина әйтүенчә, акциянең максаты бер - яулыкның хатын-кыз өчен нинди мөһим һәм кирәкле атрибут икәнен күрсәтү, матурлыкка һәм тыйнаклыкка өндәү.
Акция кысаларында 200 якын яулык һәм “Хиҗап белән танышу” буклеты таратылган.
