30 гыйнварда Чирмешән мөхтәсибәте хиҗап көне уңаеннан үзәк мәчеттә хатын-кызлар өчен бәйрәм кичәсе оештырды. Мөслимәләргә гаилә кыйммәтләре һәм хатын-кызның бурычларын аңлаткан вәгазь сөйләделәр, мөселман киемнәре коллекциясен тәкъдим иттеләр һәм яулык бәйләү буенча мастер-класс оештырдылар.
Кичәдә “Мөселман хатын-кызы бәхетлеме?” дигән темагы видеофильм күрсәттеләр. Биредә ислам кануннары буенча яшәүче хатын-кызларга карата формалашкан күзаллаулар фаш ителде.
Бәйрәм чарасы чәй өстәле артында дәвам итте.
