Бүген “Мөхәммәдия” мәдрәсәсе шәкертләре Татарстанда яшәүче төрле милләт вәкилләренә багышланган кичә оештырды. Кичәдә татар, казах, кыргыз, таҗик, үзбәк милләтеннән булган шәкертләр үзләренең йолалары, мәдәниятлары һәм фольклор иҗатлары белән таныштырды, театральләштерелгән тамаша да тәкъдим итте. Чараны тамаша кылучылар шәкертләр әзерләгән милли ашларны да авыз итә алды.
