Бүген Арча хакимияте бинасында “Гаилә институтын ныгыту, гаилә тормышын һәм рухи - әхлакый традицияләрне саклау” дигән темага түгәрәк өстәл булып узды. Чарада район җитәкчеләре, имам-мөхтәсиб Раил хәзрәт Гыйләҗев һәм башка дин әһелләре катнашты.
Сөйләшү гаилә мөнәсәбәтләрен җайлау, ныгыту рухи-әхлакый традицияләрне саклау проблемаларына багышланды. Соңгы елларда районда өйләнүчеләрнең һәм аерылышучыларның саны тигезләнгән. Шулай ук авыл җирлегендә гаилә кормаучыларның саны арткан.
Җыелышта Арча мөхтәсибе Раил хәзрәт һәм Ташкичү авылы имамы Рәдис хәзрәт вәгазь-нәсихәтләрен җиткерделәр.
