“Зәкят” хәйрия фонды Республика клиник хастаханәсе белән берлектә яңа хәйрия акциясе башлап җибәрә. Фонд хезмәткәрләре һәр айның бер җомгасында хастаханәгә җомга күчтәнәчләрен илтергә ниятлиләр.
Әлеге акция 22 апрельдә, сәгать 10.00 дә башлана. Акцияне башлау чарасында «Гадел» мәчете имамы Рөстәм хәзрәт Бакировның дога кылуы, аннары хастаханәнең ике бүлегендә җомга күчтәнәчләрен тарату оештырыла.
Өстәмә мәгълүматлар өчен телефон: 89178 525 414. zakyatrt.ru
***
ТР МДНнең “Зәкят” хәйрия фонды “Җомга – изге гамәлләр көне” дип аталган акция уздыра. Бу мөбарәк көнне фонд хезмәткәрләре, күчтәнәч таратып, аз керемле, күп балалы гаиләләрне, ялгыз картларны, мохтаҗларны сөендерә, тормышларына ямь өсти. Бу хакта һәм изге эштә катнашу юллары хакында түбәндәге язмада җентекләп язылган.
