Бөгелмәнең үзәк мәчетендә Бөек Ватан сугышы һәм тыл ветераннары белән очраштылар. Җиңү бәйрәме белән ветераннарны котларга Бөгелмә муниципаль районы башлыгы урынбасары Фәнис Мөхәммәтов, иҗтимагый оешмалар белән эшләү өчен җаваплы бүлек җитәкчесе Эльмира Замалиева, төрле конфессия вәкилләре килде. Мәҗлес барышында сугыш кырында һәлак булган солдатларның рухына дога кылынды, мөхтәсибәт исеменнән ветераннарга бүләкләр тапшырылды.
