Кайбычта ветеран имамнарны хөрмәтләделәр

14 майда Кайбыч  мөхтәсибәте хезмәткәрләре  район мәхәлләләрендә имам булып эшләгән пенсионерларның өйләренә барып, Җиңү бәйрәме белән котладылар. Кайбыч районында алдагы елларда имам булып эшләп инде икенче мәртәбә пенсиягә чыккан дүрт имам бар: Салтыйган авылында Шамил хәзрәт, Иске Чәчкаб авылында Зиннәт хәзрәт, Чүти авылында Минсәит хәзрәт һәм Касыйм хәзрәт. Аларның икесе - Зиннәт хәзрәт һәм Касыйм хәзрәт Бөек Ватан Сугышы  ветераннары. Хәрби бәрелешләрдә катнашып сугышта яраланып кайтканнар. Аллаһы Тәгалә аларга һәм барлык сугыш һәм тыл ветераннарына саулык -саләмәтлек, иман нигъмәте һәм ике дөнья бәхетен насыйп әйләсә иде.