Зәйдә яңа мәчет, мәдрәсә һәм музей ачыла

Бүген Татарстан мөфтие Камил хәзрәт Сәмигуллин эшлекле сәфәр белән – Зәй районында. Иске Зәй бистәсендә яңа “Билал” мәчете һәм татар дин әһеле, тарихчы, XVIII йөз азагы әдәбият тарихында билгеле урын биләгән язучы Таҗетдин Ялчыгол исеме бирелгән мәдрәсә - "Таҗетдин Ялчыгол исемендәге Кама аръягы мәгърифәт үзәге" Автономияле коммерциясез оешма ачыла. Биредә шулай ук Ялчыгол музее да эшләп киләчәк. Ачылу тантанасында  Зәй районы башлыгы Рәзиф Кәримов та катнаша.