Актаныш районының Бикчәнтәй авылында ял көннәрендә күркәм чара узды: яңа салына башлаган мәчетнең диварын күтәрү буенча өмә ясадылар. Мәчет төзелешендә бикчәнтәйлеләр үзләрен иманлы, бердәм һәм ярдәмчел икәнлекләрен күрсәтте. Егермедән артык кеше көче белән мәчетнең 2,5 метрлык кирпеч диварын күтәрергә мөмкин булды. Авылда Аллаһ йортын салуны да шулай ук бер төркем авыл кешесе башлап җибәрде.
