Варшавага эшлекле сәфәре барышында Татарстан мөфтие Камил хәзрәт Сәмигуллин Россия Федерациясенең Польша Республикасындагы Тулы вәкаләтле Илчесе Сергей Андреев белән очрашты. Сергей Вадимович зур кызыксыну белән Татарстан Республикасы мөселманнары Диния нәзарәтенең эшчәнлеге белән танышты һәм Татарстан мөфтиенә Польшада дини өлкәдәге хәлләр һәм, аерым алганда, исламның үсеше турында сөйләде. Шулай итеп, бүгенге көндә Польшада ике мәчет бар. Аларның берсендә - Warsaw Mosque дип исемләнгәнендә Камил хәзрәт шәхсән булды. Архитектура корылмасы 1993 елда мавритан стилендә манарасыз төзелгән. Мәчет каршында хәзер ислам мәдәнияте үзәге оешмалары эшләп килә. Warsaw Mosque мәчетенә йөрүчеләрнең шактые татарлар икәнен дә әйтеп үтәргә кирәк.
