Галиев мәчетендә зикер турында сөйләячәкләр

Бүген Галиев мәчетендә оештырылган ачык лекцияләр кысаларында мәчетнең имамы Тимергали хәзрәт Юлдашев Аллаһ Тәгаләне истә тоту, зикер әйтү хакында лекция укыячак. Тимергали хәзрәт "зикер" сүзенең аңлатмасын китереп, аның ислам динендә тоткан урынын, әһәмиятен аңлатачак. Монардан тыш, дин әһеле бу мәсьәләгә кагылышлы аңлатмаларны Коръәннән һәм Пәйгамбәребез Мөхәммәд (с.г.в.) сөннәтеннән, хәдисләреннән китерәчәк. Тыңлаучылар зикер әйтү тәртибе белән дә танышачак.