ТР мөселманнары Диния нәзарәтенең «Зәкят» фонды «Игелекле Казан» проекты кысаларында Казан мэриясе ярдәме белән атна саен мохтаҗларга хәйрия ашлары әзерләү эшен кабат башлап җибәрде.
Бушлай кайнар ризык порцияләре атнага 3 тапкыр – сишәмбе, чәршәмбе һәм җомга көннәрендә 10.00дән 11.00гә кадәр Казанның Борһан Шаһиди скверында (Борһан Шаһиди урамы, 17) таратыла. Мохтаҗларга беренче һәм икенче аш, салат, ипи, чәй тәкъдим ителә.
Хәйрия ашларында катнашучылар – йортсыз-җирсез калганнар, ятимнәр, инвалидлар, ялгыз яшәүче өлкәннәр һәм авыр тормыш хәлендә калган кешеләр. Бу эштә ярдәм итәргә теләүчеләр 225-33-22 телефоны буенча мөрәҗәгать итә ала.
Шунысын билгеләп узарга кирәк: 2017 елда «Зәкят» фонды оештырган хәйрия ашларында кайнар ризык белән сыйланган фәкыйрьләр саны 3000 меңнән артып ките.
Моннан тыш, Казан мәчетләрендә мохтаҗларга әйберләр һәм азык-төлек җыю дәвам итә. Искәртеп үтик: ТР мөселманнары Диния нәзарәте башлангычы белән башкала мәчетләрендә фәкыйрьләргә бушлай ярдәм күрсәтү буенча «Приют» пункты өчен кием-салым, азык-төлек, савыт-саба һәм башка кирәк-яраклар җыю игълан ителде.
Олылар һәм балалар өчен кием-салым, озак бозылмый торган азык-төлек (тоз, шикәр, ярмалар, консервалар һ.б.лар), савыт-саба, уенчыклар, көнкүреш химиясе товарлары башкаланың түбәндәге мәчетләрендә кабул ителә: Кабан арты мәчете (Һ.Такташ урамы, 26), Гаилә (Җ.Фәйзи урамы, 2), Ярдәм (Серов урамы, 4а), Нур-әл-Ислам (М.Бигиев урамы, 36/56), Казан Нуры (Ф.Әмирхан урамы, 3, корп.2), Фатиха (Кадышево бистәсе, Р.Зорге урамы, 2а), Өмет (Борисоглебский бистәсе, Мәктәп урамы, 4а), Салихҗан (Бестужев урамы, 66а).
Моннан тыш, кирәк-яракларны тәүлек әйләнәсе эшли торган «Приют» ярдәм пунктына да (Б.Шаһиди урамы, 26нчы йорт) китерергә мөмкин. Белешмә өчен телефон: 8(843) 216-44-01.
