Бүген, сәфәр аеның 7-нче көнендә, Татарстан мөфтие Камил хәзрәт Сәмигуллин зур йөгерү фестивале кысаларында узучы Казан милли ярыммарафонында катнашты. 21,1 км араны узуга ул 8.00-дә кузгалды һәм аны 2:11:46 нәтиҗәсе белән уңышлы узды. Финишта хәзрәтне мөселман яшьләре һәм имамнар сәламләде.
Татарстан мөселманнары башлыгы Timerman ярышларын калдырмыйча 2018 елдан бирле даими катнашып килә. 2019 елның маенда Казан марафонында ул 42,2 км араны уңышлы узды.
