Бүген, Рабигыль-әүвәл аеның 8-нче көнендә, Нурлат мөхтәсибәтендә яшь мөселманнар арасында мини-футбол турниры узды. Анда Нурлат шәһәреннән, Киекле һәм Кизләү авылларыннан килгән 3 җыелма команда катнашты. Әлеге турнирда көзге каникуллар вакытында рухи-әхлакый курсларга йөрүче 25 бала көч сынышты. Ярыш нәтиҗәләре буенча, абсолют җиңүче дип Нурлат җыелма командасы танылды. Турнирның җиңүчеләрен һәм призерларын медальләр һәм дипломнар белән бүләкләделәр. Шулай ук иң яхшы уенчылар да билгеләп үтелде.
