Татарстан Мөфтие Камил хәзрәт Сәмигуллин Төркиянең Элязыг провинциясендә килеп чыккан җир тетрәнү вакытында һәлак булучыларның якыннарының кайгысын уртаклаша:
"Төркиядә коточкыч җир тетрәү нәтиҗәсендә дин кардәшләребезнең фаҗигале төстә һәлак булулары турындагы хәбәрләр йөрәкләрне түреннән үк тетрәндерде. Шушы авыр минутта тугандаш халыкның кайгысын ТР мөселманнары Диния нәзарәте һәм шәхсән үз исемемнән ихластан уртаклашам һәм зыян күрүчеләрнең барысына да күңелдә булган иң мәрхәмәтле хисләремне белдерәм. Татарстан мөселманнары Аллаһ Раббыбыздан бу афәттә үлгәннәрнең рухын шат кылуны ялварып, аларның гаиләләренә әлеге хәсрәтне җиңеп чыгу өчен сабырлык һәм имгәнгән кешеләргә шифасын сорап догалар укый. Татарстан сезнең белән, кадерле дин кардәшләр!".
