Бүген, сафәр аеның 1-нче көнендә (18-нче сентябрьдә), республикабыз мөфтие Камил хәзрәт Сәмигуллин Рөстәм Миңнехановның Татарстан Президенты вазифасына керешүе уңаеннан үткәрелүче чарада – Татарстан Президенты инаугурациясе тантанасында катнашты. Әлеге чарада ул алдагы биш елда республика белән идарә итүе турында ант бирде һәм үз вазифаларына кереште. Инаугураиягә шәрәфле кунак сыйфатында катнашу өчен Татарстан мөфтие Камил хәзрәт Сәмигуллин да чакырылды.
«Татарстан Республикасы халкына тугры хезмәт итүем, гражданнар хокуклары һәм ирекләрен, Татарстан дәүләт суверенитетын тәэмин итү, РФ һәм ТР Конституцияләрен, законнарны үтәү, миңа йөкләнгән югары вазифаларны намус белән үтәячәгем турында тантаналы рәвештә ант итәм», — дип билгеләп үтте Рөстәм Миңнеханов.
Татарстан Президенты матбугат хезмәте фотолары файдаланылды
