ТР мөселманнары Диния нәзарәтенең “Хозур” нәшрият йорты рус телендә “Ваһһабчыларга каршы дәлилләр” (“Доводы против ваххабитов”) китабын нәшер итте. Әлеге китап әһле Сөннәт Вәл-Җәмәгать һәм ялган сәләфләр (ваһһабчылар) арасындагы төп фикер каршылыкларын тикшерә.
Безнең элеккеге тәкъва ияләренең (хакыйкый сәләфләрнең) гакыйдәсе соңгы берничә дистә еллар дәвамында мөселманнар арасында мөһим һәм бәхәсле мәсьәлә булып тора. Аларның гакыйдәсе бүгенге көн мөселманнары гакыйдәсеннән аерылып торганмы?
Китапта хөрмәтле галимнәр тарафыннан адашкан кешеләрнең фикерләрен кире кага торган Коръәннән һәм Сөннәттән дәлилләр китерелгән. Әһле Сөннәт Вәл-Җәмәгать (матуридиләр) һәм ваһһабчылар карашларында нинди каршылыклар бар? Зиратта Коръән укырга ярыймы? Дога кылганнан соң йөзне сыпырырга кирәкме? Тәсбих кулланырга ярыймы? “Тәшәһһүд” укыганда бармак селкетү, оекбашларга мәсех кылу һәм фикһка караган башка мәсьәләләр буенча да сораулар каралган.
Китапны “Хозур” нәшрият йорты кибетләрендә сатып алырга һәм дистацион рәвештә заказ бирергә мөмкин.
Кибет: Казан шәһ., Париж Коммунасы ур., 6 нчы йорт. Тел.: +7 960 072-74-63;
Склад: Казан шәһ., Газовая ур., 14 нче йорт. Тел.: +7 (966) 250-00-09;
