Согуд Гарәбстаны Корольлегенең Россия Федерациясендәге Гадәттән тыш һәм Тулы вәкаләтле илчесе Габделрәхман Сөләйман Аләхмәд Татарстан мөфтие Камил хәзрәт Сәмигуллинга бүләк итеп «1926-2021 елларда дуслык һәм хезмәттәшлек тарихы» истәлекле фотоальбомын җибәрде. Истәлекле басма Россия белән Согуд Гарәбстаны Корольлеге арасында дипломатик мөнәсәбәтләр урнашуның 95 еллыгы уңаеннан дөнья күрде һәм илчелек ярдәме белән әзерләнде. Анда ике ил хезмәттәшлеге тарихында төп вакыйгаларны, шул исәптән дәүләт башлыкларының очрашуларын чагылдырган архив фотолары урын алган. Шунысы игътибарга лаек, илчелектән әлеге бүләк “Россия – ислам дөньясы” стратегик караш төркеменең киләсе атнада Җиддә шәһәрендә узачак күчмә утырышы алдыннан ясалган. Әлеге күчмә утырышта Татарстан Республикасы Президенты, «Россия – Ислам дөньясы» стратегик караш төркеме рәисе Рөстәм Миңнеханов һәм Татарстан мөфтие Камил хәзрәт Сәмигуллин катнашачак.
Согуд Гарәбстаны илчесе Татарстан мөфтиенә Согудия-Россия дипломатик мөнәсәбәтләренең ныклыгын тасвирлаучы истәлекле фотоальбом бүләк итте
19 ноябрь 2021 ел 11:38
![Согуд Гарәбстаны илчесе Татарстан мөфтиенә Согудия-Россия дипломатик мөнәсәбәтләренең ныклыгын тасвирлаучы истәлекле фотоальбом бүләк итте](/netcat_files/398/569/DSC_2989.jpg)
Соңгы яңалыклар
![](/netcat_files/398/569/DSC_4516.jpg)
Дөньякүләм танылган дин галиме Татарстан мөфтиенә һәм Казанның башка шәригать белгечләренә иҗазәтләр тапшырды
19 декабрь 2023 ел 09:24
![](/netcat_files/398/569/photo_5474202137245372868_y.jpg)
Казанда “Әхмәдзәки” мәчетендә – кызлар, “Рауза” мәчетендә – малайлар арасында Коръән бәйгеләре үтте
18 декабрь 2023 ел 12:04
![](/netcat_files/398/569/DSC_4336.jpg)
Нәзарәттә “Хашият ибн Габидин” хезмәте буенча шәех Фарфурның лекцияләре уза
16 декабрь 2023 ел 17:04
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы