РФ Мөселман эшмәкәрләре ассоциациясе Казан Кремле каршында – Казансу елгасы яры буенда Җәмигъ мәчетен төзүне яклап петиция әзерләде. Мөрәҗәгатьтә Татарстанның күпмилләтле башкаласы күптәннән зур мәчеткә ихтыяҗ кичерүе, аның башкалабызның күрке һәм бизәге булып хезмәт итәчәге искәртелә. “Җәмәгатьчелеккә безне ишетүләрен сорап, Казан Кремле каршында, Казансу буенда яңа Җәмигъ мәчете төзелүе беркемнең дә хокукларын кысмый, башка диннәрнең дәрәҗәсен төшермәвен ассызыклап мөрәҗәгать итәбез. Киресенчә, ул Казанда яшәүче миллионнан артык кешенең тормыш сыйфатында һәм аларның социаль хәлен яхшыртуда иң күркәм урын алачак”, – дип билгеләп үтә петиция белән чыгучылар.
Петиция белән түбәндәге сылтама буенча танышып, үз тавышыңны бирергә мөмкин: https://chng.it/Yjwr97tH
