Бүген Казанда изге Раҗәб аенда татар халкының күренекле шәхесләрен искә алу мәҗлесе узды. Кәлам Шәрифтән аятьләр укып, мәрхүмнәрнең рухларына дога кылу чарасы Галиев мәчетенең Коръән мәҗлесләрен үткәрү залында оештырылды. Чарага килүчеләр мәчетнең имамы Рамил хәзрәт Мингәрәев җитәкчелегендә җәмәгать белән өйлә намазында катнаштылар, аннары җырчы Салават Фәтхетдиновның шәкерте, Татарстанның атказанган артисты Рифат Зарипов тарафыннан оештырган Коръән ашына рәхим иттеләр. Бакыйлыкка күчкән танылган татар зыяларын, атаклы шәхесләрне, остазларның, иҗат әһелләренең рухларына дога кылу мәҗлесендә Салават Фәтхетдинов, Рифат Зарипов, ИлСаф, Җәвит Шакиров, Альфред Якшембетов, Ядкәр Хәбибуллин, Айдар Тимербаев, Салават Миңнеханов, Әбри Хәбриев, Данир Сабиров, Гамил Әсхәдулла, Рөстәм Рәхмәнкулов, Рафил Җәләлиев, Марсель Вәгыйзов һ.б. күренекле иҗат әһелләре, җырчылар, автор-башкаручылар катнашты. Алар һәрберсе ахирәткә күчкән укытучыларын җылы сүзләр белән искә алды, истәлекләре белән уртаклашты, догалар кылды. Чарада катнашучылар искә алу мәҗлесләренең дәвамлы булуын теләделәр, Изге Рамазан аенда ифтарлар үткәрү буенча тәкъдимнәрен җиткерделәр.
Галиев мәчетендә күренекле татар шәхесләрен искә алып мәҗлес үткәрелде
17 февраль 2022 ел 16:23
![Галиев мәчетендә күренекле татар шәхесләрен искә алып мәҗлес үткәрелде](/netcat_files/398/569/DSC_2906.jpg)
Соңгы яңалыклар
![](/netcat_files/398/569/DSC_7584_0.jpg)
2022 елда РФ Мөселман эшмәкәрләре ассоциациясе хәйрия фонды мөселманнарга 17 млн. сумлык ярдәм күрсәтте
30 декабрь 2022 ел 09:05
![](/netcat_files/398/569/DSC_2325.jpg)
Игьтибар! “Ирбис” брендының 18 ягулык салу станциясендә җәмәгать туклануы хәләл булачак
30 декабрь 2022 ел 08:57
![](/netcat_files/398/569/676752_INNERRESIZED600_700_77047830_707e_4005_9280_9b7d35a2e7af.jpg)
"Хозур” нәшрияты террорчылыкка каршы тематиканы иң яхшы яктырту бәйгесендә җиңү яулады
29 декабрь 2022 ел 14:27
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы