Бүген Казанда изге Раҗәб аенда татар халкының күренекле шәхесләрен искә алу мәҗлесе узды. Кәлам Шәрифтән аятьләр укып, мәрхүмнәрнең рухларына дога кылу чарасы Галиев мәчетенең Коръән мәҗлесләрен үткәрү залында оештырылды. Чарага килүчеләр мәчетнең имамы Рамил хәзрәт Мингәрәев җитәкчелегендә җәмәгать белән өйлә намазында катнаштылар, аннары җырчы Салават Фәтхетдиновның шәкерте, Татарстанның атказанган артисты Рифат Зарипов тарафыннан оештырган Коръән ашына рәхим иттеләр. Бакыйлыкка күчкән танылган татар зыяларын, атаклы шәхесләрне, остазларның, иҗат әһелләренең рухларына дога кылу мәҗлесендә Салават Фәтхетдинов, Рифат Зарипов, ИлСаф, Җәвит Шакиров, Альфред Якшембетов, Ядкәр Хәбибуллин, Айдар Тимербаев, Салават Миңнеханов, Әбри Хәбриев, Данир Сабиров, Гамил Әсхәдулла, Рөстәм Рәхмәнкулов, Рафил Җәләлиев, Марсель Вәгыйзов һ.б. күренекле иҗат әһелләре, җырчылар, автор-башкаручылар катнашты. Алар һәрберсе ахирәткә күчкән укытучыларын җылы сүзләр белән искә алды, истәлекләре белән уртаклашты, догалар кылды. Чарада катнашучылар искә алу мәҗлесләренең дәвамлы булуын теләделәр, Изге Рамазан аенда ифтарлар үткәрү буенча тәкъдимнәрен җиткерделәр.
Галиев мәчетендә күренекле татар шәхесләрен искә алып мәҗлес үткәрелде
17 февраль 2022 ел 16:23
![Галиев мәчетендә күренекле татар шәхесләрен искә алып мәҗлес үткәрелде](/netcat_files/398/569/DSC_2906.jpg)
Соңгы яңалыклар
![](/netcat_files/398/569/DSC_0016.jpg)
Журналистларга Рөстәм Хәйруллинның рус телендә "Гаилә дәресләре" китабы тәкъдим ителде
19 октябрь 2022 ел 14:44
![](/netcat_files/398/569/WhatsApp_Image_2022_10_18_at_11.45.51_0.jpg)
Балык Бистәсе мөселманнары солдатлар өчен 600 меңгә якын акча җыеп тапшырды. Аларга Әлки, Спас, Әгерҗе, Бөгелмә, Алабуга һәм Кама Тамагы кушылды
18 октябрь 2022 ел 12:00
![](/netcat_files/398/569/gl_30.jpg)
Мөфти Россиядә ЛГБТны пропагандалауны тыю турындагы парламент тыңлауларында чыгыш ясады
17 октябрь 2022 ел 12:54
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы