Татарстан мөфтие республика мәчетләрендә дөньяга тынычлык сорап дога кылырга чакырды

Мөфти Камил хәзрәт Сәмигуллин Татарстан имам-мөхтәсибләренә республика мәчетләрендә дога кылып, Аллаһы Тәгаләдән дөньяга тынычлык һәм иминлек сорарга чакырды. Шул рәвешле, бүген, мөбарәк җомга көнендә, имамнар, җәмәгатьне ияртеп, җомга намазыннан соң Раббыбыздан кешелеккә Үзенең рәхмәтен һәм хәерле көннәр  җибәрүен, халыкларга имин һәм тыныч тормыш, һәр йортка һәм гаиләгә бәрәкәт һәм бәхет насыйп итүен, шулай  ук Россияне һәм Татарстанны кайгы һәм афәтләрдән саклавын, Ватаныбызга иркен һәм мул көннәр бирүен сораячаклар.