Бүген, 19 июньдә, Казанда татар халкының милли бәйрәме – Сабантуй билгеләп үтелде. Бәйрәм чаралары дүрт урында үтте, ә Тынычлык бистәсендәге Каенлык исә иң төп мәйданга әверелде. Биредә Татарстан башкаласында яшәүчеләр һәм кунаклар өчен күңел ачулар, иҗади мастер-класслар, кул эшләре ярминкәсе һәм спорт ярышларыннан торган бай программа әзерләнде.
Бәйрәмгә күпләгән дәрәҗәле кунаклар килде. Мисал өчен, алар арасында Татарстан Президенты Рөстәм Миңнеханов һәм Татарстан мөфтие Камил хәзрәт Сәмигуллин һәм башкалар бар иде.
