Диния Нәзарәте намазга һәм динебез нигезләрен өйрәтүче “Ислам. Беренче адымнар” курсларына тыңлаучылар җыюның дәвам итүен хәбәр итә. Бүгенге көнгә курсларга 70 кеше теркәлгән.
Мәктәпнең 10 нчы агымы тәһарәт алырга, намаз укырга өйрәткән, дин, хәләл һәм хәрам төшенчәләрен аңлаткан 6 дәрестән гыйбарәт.
«Ислам. Беренче адымнар» курсы 2022 елның 15 октябрендә башлана. Анда 17 яшь һәм аннан өлкәнрәк булган ир-атлар һәм хатын-кызлар белем алырга мөмкин. Дәресләр һәр шимбәдә Казанның Галиев мәчетендә иртәнге сәгать 8.00дән көндезге 12.00гә кадәр бара. Шул рәвешле, әлеге мәктәп ислам дине кушканча яшәргә теләүче, әмма 5 ел дәвамында мәчет каршындагы курсларга җае булмаган кешеләр өчен оештырыла. Укулар татар һәм рус телләрендә алып барыла, онлайн консультацияләрне тәүлек дәвамында алырга мөмкин.
Әлеге проектта катнашу өчен https://clck.ru/EZQEj сылтамасы буенча кереп теркәлү яки +7 (843) 237-86-18 телефоны буенча шалтырату зарур. «Ислам. Беренче адымнар» мәктәбендәге укулар – түләүсез.
Әлеге проект Татарстан мөфтияте тарафыннан 2018 елда тормышка ашырыла башлады. Ун агымда курсларны намаз укырга өйрәнгән 840 кеше тәмамлады.
