22нче сентябрь көнне Мөслимнең “Курай” паркында беренче сыйныф укучылары өчен “Гыйлем бәйрәме” узды. Кечкенә укучылар өчен Мөслим мөхтәсибәте тарафыннан оештырылган чара районыбызда икенче тапкыр уза. Балаларны Мөслим районы Башкарма комитет җитәкчесе урынбасары Марина Бадретдинова, районның имам-мөхтәсибе Илгиз хәзрәт Сөнгатуллин сәламләп изге теләкләрен җиткерделәр. Балалар төрле кызыклы уеннарда, мастер-классларда, ярышларда катнашты. Спорт мәктәбе тренерлары һәм “Мизгел” яшьләр үзәге волонтерлары ике мәйданчыкта эстафеталар оештырды. Туган якны өйрәнү музее хезмәткәрләре элек мәктәп укучылары кулланган уку әсбапларыннан торган экспозиция алып килгән. Балалар китапханәсе оештырган яшел фотозонада балалар истәлеккә фотога төште. “Аргамак” спорт мәктәбеннән килгән понида кызлар аеруча яратып йөрде. Мөхтәсибәт рәсем ясарга, кул эшләре белән шөгыльләнергә яратучы балалар өчен шөгыльләр оештырды. Асфальтка да, кәгазьгә дә рәсем ясарга бик яраталар балалар. Аларның кулларыннан акбур, кайчы, төсле карандашлар төшмәде. Бәйрәм азагында бар килгән 120ләп балага бүләкләр тапшырылды.
Мөслимдә "Гыйлем бәйрәме" узды
23 сентябрь 2022 ел 14:20
Соңгы яңалыклар
Бөгелмәдә республика мәчетләре арасында Бөгелмә мөхтәсибәте кубогына мини-футбол буенча “Төнге лига” турниры узды
20 сентябрь 2023 ел 15:52
Грозныйда Татарстан киносы көннәре кысаларында “Ибн Фадлан” фильмы күрсәтеләчәк
20 сентябрь 2023 ел 15:44
Нәзарәттә Белоруссиянең “Хәләл” Үзәге белән хезмәттәшлек мәсьәләләре хакында фикер алыштылар
20 сентябрь 2023 ел 12:47
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы