Мамадыш мәдрәсәсе мөгаллимнәре социаль тормышта актив катнаша

Бүген, рабигыль-ахыр аеның 23 нче көнендә (18 ноябрьдә), Мамадыш мәдрәсәсе директоры Габдрахман хәзрәт Хәбибуллин "Нократ дулкыннары" радиоэфирында “Җомга вәгазе” тапшыруында чыгыш ясады. Ул сөйләгән вәгазьнең темасы “Сират күпере” дип аталды. Габдрахман хәзрәт Хәбибуллин эфир барышында сират күперенең нәрсә икәнлеген, аның  нинди булуын, бу күперне кемнең беренче үтәчәген, сират күперен җиңеллек белән үтәр өчен бу дөньяда нәрсә эшләргә кирәклегенә кагылышлы сорауларга җавап бирде.