Нәзарәт Татарстан солдатларына гуманитар йөк илтеп тапшырды

Бүген, Шәгъбан аеның 2нче көнендә (22нче февральдә), Татарстан мөфтияте республикабыз мөселманнарыннан җыелган гуманитар йөкне махсус хәрби операция зонасында хезмәт итүче Татарстан солдатларына китереп тапшырды. 2 тоннага якын авырлыктагы ярдәмне Нәзарәт вәкилләре ике машинага төяп Луганск өлкәсендә урнашкан частьләрнең берсенә алып килде. Солдатлар 1 тонна күләмендә 3 мең данә банка хәләл тушенка, иминлекне саклауның югары классына ия бронежилетлар, 45 пар резин итек, 10 данә маскировка челтәре, медикаментлар, куертылган сөт һәм туристик келәмнәр белән тәэмин ителде.

Моннан тыш сугышчылар, туган җирдән килеп ирешкән күчтәнәчләрне алудан кала, Нәзарәт хәзрәтләреннән шәригать мәсьәләләре буенча киңәшләр алу мөмкинлегенә ия булды.

Татарстан мөфтияте махсус хәрби операция зонасына гуманитар йөк илтеп тапшыруны янәдән оештырырга ниятли.

Исегезгә төшерәбез: Татарстаннан мобилизацияләнгән солдатларга ярдәм йөзеннән Нәзарәтнең «Зәкят» хәйрия фонды акча җыюны дәвам итә. Бүгенге көндә республиканың төрле почмакларыннан, мөхтсәбәтләр тырышлыгы белән, барлыгы 8,7 млн сум килде. Әлеге акчаларга хәләл тушенкалар, обмундирование, медикаментлар һәм хәрби шартларда кирәкле башка әйберләр сатып алынды. Аларның бер өлеше Казанның солдатларны җыю пунктларында да таратылган иде.
Акциягә теләге булган һәркем үз өлешен кертә ала. Акча җыюны Диния нәзарәтенең “Зәкят” хәйрия фонды башкара.

Акча күчерү өчен реквизитлар:

1. 2202 2007 0125 5174 номерлы Саклык банкы картасы (Зиля Ириковна И.).

2. Исәп-хисап счетына:

Оешманың тулы исеме «Зәкят» хәйрия фонды.

Кыскартылган исеме «Зәкят» фонды.

Генераль директор Мәрданов Булат Раиф улы

ИНН 1655068682

КПП 165501001

ОГРН 1091600003153

Банк ПАО «Ак барс» банк

К/с 30101810000000000805

Р/с 40703810400020000071