Россия ислам институтында ислам фәннәре һәм гарәп теле буенча Бөтенроссия олимпиадасы башланды. Институтның 25 еллыгына багышланган чара юбилей чаралары кысаларында уза. Олимпиадада Россиядәге ислам югары йортларыннан тыш, Үзбәкстан, Кыргызстан, Таҗикстан, Азербәйҗанның югары мөселман дини белем бирү оешмалары (Россия һәи БДБ илләренең 35 тән артык уку йорты) студентлары катнаша.
Одимпиаданы ачып җибәреп, РИИ ректоры Рафикъ Мөхәммәтшин елдан-ел әлеге фәнни җыенның дәрәҗәсе үсүен билгеләп үтте. Жюри әгъзалары киңәшләшеп алганнан соң, олимпиадада катнашучылар биремнәрне үтәргә кереште. Аларның бер өлешен язмача эшләргә кирәк иде. Ә гарәп теле буенча номинациядә сөйләм осталыгын күрсәтү зарур булды.
Олимпиадада җиңүчеләр иртәгә Корстонда узачак форум вакытында бүләкләнәчәк.
