Узган ялларда Түбән Кама шәһәренең үзәк Җәмигъ мәчетендә «Намаз – бәхет ачкычы» проектының 8 нче сезоны башланды. Ислам нигезләрен һәм намаз укырга өйрәтүче курсларда 100 дән артык кеше катнашырга теләк белдерде.
Дәресләр, биш атна дәвамында шимбә саен заманча мультимедиа чараларын кулланып, рус һәм татар телләрендә уза. Бу агымдагы проект үз эшен 16 декабрьдә тәмамлаячак.
Адресы: Химиклар урамы, 59, Түбән Кама шәһәре, үзәк Җәмигъ мәчете.
Барлык сораулар белән +7 (986) 718-27-80 телефоны буенча мөрәҗәгать итәргә мөмкин.
Фотосурәтләр: Айрат Зәбиров, Түбән Кама мөхтәсибәте.
