Җөмәдәл-әүвәл аеның 23нче көнендә (7нче декабрьдә), актив мөселман яшьләре һәм волонтерлар “Изге эшләр көне” программасы кысаларында Казан шәһәренең Борһан Шаһиди урамында урнашкан “Приют человека” мохтаҗларын ашатырга барды. Берничә көн дәвамында яшьләр социаль челтәрләр аша мөселман кардәшләргә мөрәҗәгать итеп әзерлек эшләре алып барды, чәй өчен тәм-томнар сатып алды. Акча җыюда барлыгы 90 кеше үзеннән өлеш кертте, барлыгы 36100 сум акча “Приют человека” счетына күчерелде. Кичә төшке аш вакытында волонтерлар ризык таратуда катнашты һәм үзләре белән алып килгән том-томнарны мохтаҗларга өләште. Бер сәгать дәвамында 50дән артык мохтаҗ ризыкланды. Йорт-җирсез калган, тормыш сынауларын кичергән мохтаҗлар һәм авырулар мөселман яшьләренә битараф булмаулары өчен рәхмәтләрен җиткерделәр. Әйтергә кирәк, салкын көнне сукбайларның хәле тагын да авырлаша. Ризык табудан тыш, җылы өс һәм аяк киемнәре мәсьәләләсе дә килеп баса. Мөселман яшьләре, “Приют человека” карамагында тәрбияләнүче мохтаҗларның хәленә кереп, киләсе атнага Казанда урнашкан әлеге пунктларның алтысында җыештыру өмәләре үткәрергә ниятли. Моның өчен, яшьләр акча җыеп барлык санитар-гигиена әсбаплары, сабын, порошок, гель, чүпрәк, губкалар һ.б. сатып алачак. Әлеге чара “Чиста мәчет” акциясе кысаларында үткәрелә.
Казанның мөселман яшьләре салкын көндә 50 мохтаҗга ризык өләште
08 декабрь 2023 ел 13:01
![Казанның мөселман яшьләре салкын көндә 50 мохтаҗга ризык өләште](/netcat_files/398/569/19e0ea7b_ded2_4011_aabe_1050988332a4.jpg)
Соңгы яңалыклар
![](/netcat_files/398/569/a15652b0_03a3_4f94_8fc5_629b35e10f0f.jpg)
РИИда мәчет каршындагы курслар мөгаллимнәренә белем арттыру турында таныклыклар тапшырдылар
22 апрель 2024 ел 10:52
![](/netcat_files/398/569/4F465C6E_2D26_4F9C_9C18_3F37EC0105C0.jpeg)
Казан мөселманнары Ашхабадта узган Халыкара хоккей турнирыннан “көмеш” алып кайтты
21 апрель 2024 ел 12:30
![](/netcat_files/398/569/DSC_2764.jpg)
Казанда татар дин галиме Нургали Хәсәнов турында “Дәрвиш” моноспектакле күрсәтеләчәк
18 апрель 2024 ел 12:25
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы