Раҗәб аеның 23нче көнендә Лениногорск шәһәрендә мөхтәсибәт тарафыннан Татарстан Республикасы мөселманнары өчен чаңгы ярышы үткәрелде. Әлеге чара дин кардәшләр арасында дуслыкны ныгыту, мөселманнарны берләштерү, чаңгы спортын популярлаштыру, сәламәт яшәү рәвешен пропагандалау максатыннан оештырылды. Чаңгы ярышына Татарстанның Әлмәт, Мөслим, Лаеш, Азнакай, Лениногорск, Бөгелмә, Теләче һ.б. районнарыннан 30дан артык спортчы килде. Әйтергә кирәк, ярышка бары биш вакыт намаз укучы мөселманнар гына кертелде.
Татарстан мөселман чаңгычылары арасында Лаеш мөхтәсибәте төркеме беренчелекне яулады. Икенче урында теләчелеләр, өченчедә бөгелмәлеләр булды. Егетләр үзләренең шәхси мөмкинлекләрен гомуми зачетта да сынады. Лаешлылар анда да беренчелекне бирмәде.
Ике ел рәттән үткәрелгән әлеге ярыш елдан-ел колачлырак уза. Төрле төбәкләрдән килгән мөселманнар бер-берсе белән аралашып, үзара таныша, хәзрәтләрдән күркәм нәсыйхәтләр ала.
Татарстан мөселманнары арасында республикакүләм чаңгы ярышы узды
04 февраль 2024 ел 19:08
Соңгы яңалыклар
«Хәләл» стандарты буенча Комитет Казанның Агросәнәгать паркына Russia Halal Market ярминкәсенә чакыра!
16 май 2023 ел 11:01
KazanForum-2023 интерактив зонасында мөселман эрудитлары өчен “MuslimQuiz” интеллектуаль уенының ике бәйгесе узачак
16 май 2023 ел 09:10
Мөфти “Тарихта без эзлебез” Шәҗәрә фестивалендә җиңүчеләрне бүләкләүдә катнашты
15 май 2023 ел 15:50
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы