Бүген, Шәүвәл аеның 24нче көнендә (3нче майда), Бакуда Россия мөфтиләренең РФнең Азәрбайҗан Республикасындагы Гадәттән тыш һәм Тулы вәкаләтле илчесе Михаил Евдокимов белән очрашуы узды. Татарстан Мөфтие Камил хәзрәт Сәмигуллин, Россия мөселманнары Дини җыены Мөфтие Әлбир хәзрәт Крганов, Санкт-Петербург һәм Россиянең Төньяк-Көнбатыш төбәге Мөфтие Равил хәзрәт Панчеев Илче белән Азәрбайҗан Республикасына сәфәрдән һәм Бакуда узган VI Бөтендөнья мәдәниятара диалог форумы чараларында катнашудан алган тәэсирләре белән уртаклашты. Илче билгеләп үткәнчә, Азәрбайҗан командасы Ислам илләре арасында 11-15нче май көннәрендә Казанда KazanForum кысаларында узачак II Халыкара хоккей турнирында катнашырга әзерләнә. Очрашу истәлеге итеп Мөфти Камил хәзрәт Илче Михаил Евдокимовка сувенир бүләк тапшырды.
Мөфти Камил хәзрәт Россиянең Азәрбайҗан Республикасындагы Гадәттән тыш һәм Тулы вәкаләтле илчесе белән очрашуда катнашты
03 май 2024 ел 13:06
![Мөфти Камил хәзрәт Россиянең Азәрбайҗан Республикасындагы Гадәттән тыш һәм Тулы вәкаләтле илчесе белән очрашуда катнашты](/netcat_files/398/569/photo_5307921361689237390_y.jpg)
Соңгы яңалыклар
![](/netcat_files/398/569/1ee3451c_2034_4abc_a476_efdd15ef1f82.jpg)
Лаешта ТР Рәисе һәм Мөфти катнашында “Ак Мәчет “Зәйнәб” Җәмигъ мәчете ачылды
26 февраль 2024 ел 13:38
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы