Корбан бәйрәме алдыннан Татарстан Республикасы мөселманнары Диния нәзарәте сайтының “Файдалы мәгълүмат” бүлегендә "Корбан бәйрәме – 2024" сәхифәсе эшли башлады. Ул сайттан файдаланучыларга гаетне үткәрү, корбан чалу, бәйрәм намазын үткәрү йолаларның тәртипләренә кагылышлы иң киң таралган сорауларга кирәкле һәм нигезле җаваплар табу мөмкинлеген бирә. Аерым алганда, әлеге сәхифәдә гает намазын уку вакыты, нисаб күләме, Казанда һәм Татарстанның зур шәһәрләрендә махсус корбан чалу урыннары һәм башкалар мәсьәләләр буенча актуаль мәгълүмат урнаштырылган.
Сәхифә Корбан гаете җиткәнче эшләячәк һәм яңа материаллар белән тулыландырылып торачак.
