Бүген, изге җомга көнендә, Галиев мәчетендә Казан халыкара “Алтын мөнбәр” кинофестивалендә катнашучылар: “Возрождение: Эртугрул” һәм “Основание: Осман” сериаллары режиссеры Метин Гюнай һәм актер Чагры Шенсой булып китте. Мөхтәрәм кунакларны Төркиянең Казандагы Генераль консулы Угур Йылмаз озата йөрде. Тарихи мәчеттә аларны Татарстан Мөфтие Камил хәзрәт Сәмигуллин каршы алды.
Кунаклар Казанга “Алтын мөнбәр” кинофестивалендә катнашырга килгән һәм алар бүген Галиев мәчетендә җомга намазы укыды. Очрашуда Камил хәзрәт аларга Россиядә һәм татар халкы тормышында ислам тарихы, Татарстан мөфтияте эшчәнлегенең төп юнәлешләре турында сөйләде һәм истәлеккә репринт “Казан басмасы”н бүләк итте.
