Раҗәб аеның 12нче көнендә (12нче гыйнварда) Казанның “Рауза” мәчетендә малайлар арасында Коръән укучылар бәйгесе үтте.
Әлеге ярышта Казан шәһәренең Совет районы мөхтәсибәтенә керүче 14 мәчеттән 42 бала көч сынашты. Катнашучыларны Коръән хафизлар әзерләү үзәге белгечләре бәяләде.
Бәйге берничә номинациядә үтте: Коръәннең соңгы 10 сүрәсен, 30нчы җүзнең яртысын, 30нчы җүзне яттан белү, тиләвәт.
Бәйгедә иң яшь катнашучыга 6 яшь булса, иң олысына 15 яшь иде.
Һәрбер катнашучыга дипломнар, тәм-томнар, сертификатлар, ә җиңүчеләргә – акчалата бүләкләр тапшырылды.
Февраль аенда кызлар арасында бәйге үткәрү көтелә.
Фотосурәтләр: “Рауза” мәчете.
