Раҗәб аеның 12нче көнендә (12нче гыйнварда), Әлмәт шәһәренең Җәмигъ мәчетендә I Республикакүләм Ислам китабы фестивале узды. Мондый беренче чара Әлмәт мөхтәсибәте тарафыннан Татарстан Республикасы Язучылар берлеге белән берлектә оештырылды.
Фестивальдә Татарстанның һәм Россиянең алты нәшрияты катнашты. Фестивальдә иң зур экспозицияләрнең берсе һәм китап ярминкәсе Татарстан мөселманнары Диния нәзарәтенең “Хозур” нәшрият йорты тарафыннан тәкъдим ителде: биредә соңгы 11 ел эчендә татар, рус һәм гарәп телләрендә нәшер ителгән дини, фәнни-популяр һәм балалар өчен басмалар бар иде.
Ислам китабы фестивалендә булучылар шулай ук Брайль системасы буенча бастырылган Татарстан мөфтиятенең Коръән тәфсирен («Калям Шариф. Перевод смыслов») күрә алды.
Төп чаралардан тыш, балалар өчен мавыктыргыч мастер-класслар да үткәрелде.
Фотосурәтләр: Әлмәт мөхтәсибәте.
