Казанның "Мәрҗани" мәчетендә Татарстан Мөфтиенең мөхтәсибәтләр белән эшләү буенча урынбасары, имам-хатыйб Равил хәзрәт Зөфәров махсус хәрби операция сугышчыларына ярдәм итүче волонтерлар белән очрашты.
Мәхәллә волонтерлары төркеме Равил хәзрәткә махсус хәрбия операция башланганнан бирле алып барган эшчәнлеге турында сөйләде: алар маскировка ятьмәләре үрәләр, ир-атлар өчен - маскировка халатлары, госпитальләр өчен махсус күлмәкләр, эчке киемнәр тегәләр, оекбашлар бәйлиләр, медицина валиклары ясыйлар. Равил хәзрәт аларга хезмәтләре өчен рәхмәт белдерде һәм шулай ук мәчеттә гуманитар ярдәмнең ничек җыелуы һәм алга таба алгы сызыктагы сугышчыларның кулларына турыдан-туры тапшырылуы белән таныштырды. Аннары волонтерларга яңартылган мәчет буйлап экскурсия уздырдылар, чәй һәм хуш исле пылау белән сыйладылар. Чәй эчкәндә, алар Равил хәзрәт Зөфәровның үгет-нәсихәтләрен тыңлады һәм сугышчылар туганнары һәм якыннары янына исән-сау әйләнеп кайтсын өчен дога кылды.
