Бүген, җөмәдәл-ахыр аеның 19нчы көнендә (9нчы декабрьдә), Нәзарәттә Татарстан Мөфтие Камил хәзрәт Сәмигуллин Энергобанк идарәсе рәисе урынбасары Булат Хәйруллин белән очрашты. Әңгәмә барышында сүз Татарстан мөфтияте һәм финанс учреждениесенең ислам финанслары проектларын гамәлгә ашыру өлкәсендәге хезмәттәшлек мөмкинлекләре хакында барды. Җитәкчеләр мөселманнар арасында ихтыяҗ зур булган хәләл банк продуктлары һәм аларның конкурентлык сәләтен арттыру мөмкинлекләре турында фикер алышты.
