12 июльдә ТР МДНнең "Хәләл" стандартлар комитеты Казанның "Гаилә" мәчетендә ифтар мәҗлесе оештырды. Мәҗлестә Татарстан мөфтие Камил хәзрәт Сәмигуллин, беренче урынбасары Рөстәм хәзрәт Батыр, урынбасары һәм "Гаилә" мәчетенең имам-хатыйбы Рөстәм хәзрәт Хәйруллин, "Хәләл" комитеты җитәкчесе Марат Низамов һәм башка дин әһелләре катнашты. Җәмгысе 300дән артык мөселман кардәшебез җыелган иде.
Җәмәгать намазын мөфти Камил хәзрәт үткәрде. Мәчет имам-хатыйбы Рөстәм хәзрәт Хәйруллин һәм дәгъват бүлеге белгече Тимергали хәзрәт Юлдашев җыелган халыкка динебез кыйммәтләрен аңлатып, рамазан хакында нәсихәтләрен җиткерде.
Шуны да әйтергә кирәк, ифтар мәҗлесе вакытында "Хәләл" комитеты җитәкчелеге ифтарларны уздыруда зур ярдәм күрсәткән мөселманнарга рәхмәт җиткерде, истәлекле бүләкләр тапшырды.
