Бүген Казан Ратушасында шәһәр мэры Илсур Метшин башкаланың дин әһелләре катнашында киңәшмә уздырды. Әлеге киңәшмәдә Татарстан мөфтие Камил хәзрәт Сәмигуллин, мөфтинең урынбасары Илдар хәзрәт Баязитов катнашты.
Очрашуда сүз Казандагы дини вәзгыять хакында барды. Хакимият вәкилләре шәһәрдә соңгы вакытларда дини вәзгыятьнең уңай якка үсешен билгеләп уздылар.
Мөфти Казан мэрын шәһәр имам-хатыйблары белән таныштырды. Соңыннан Илсур Метшин Казан мөхтәсибе Мансур хәзрәт Җәләлетдиновка һәм башка имамнарга дини эшчәнлек алып баруда уңышлар теләде һәм рухи кыйммәтләрне җиткергән өчен рәхмәтен җиткереп истәлек бүләкләре тапшырды.
